Այսօր՝ օգոստոսի 9-ին, հայ և սովետական կոմպոզիտոր, ԽՍՀՄ ժողովրդական արտիստ Առնո Բաբաջանյանի ծննդյան 100-ամյակի նախօրեին, Վլադիվոստոկի նավահանգստում տեղի ունեցավ անդր-օվկիանոսային տանկերը նշանավոր կոմպոզիտորի անունով վերանվանելու հանդիսավոր արարողությունը:
Ելույթ ունենալով հադիսավոր արարողության ընթացքում ՌԴ-ու ՀՀ դեսպան Վարդան Տողինյանը շնորհակալություն հայտնեց անվանի կոմպոզիտորի հիշատակին նվիրված նաախաձեռնության հեղինակներից:
Դեսպանը նշեց, որ նույնիսկ մեր օրերում Առնո Բաբաջանյանը մնում է հայ-ռուսական բարեկամության խորհրդանիշ, իսկ նրա թողած երաժշտական ժառանգությունը համարվում է Հայաստաի, Ռուսաստանի և նախկին Խորհրդային Միության երկրների մշակութային արժեքը:
Բացման արարողությանը ներկա էին Պրիմորսկի երկրամասի փոխվարչապետ Ելենա Բրոննիկովան, Առնո Բաբաջանյանի հիշատակի միջազգային հիմնադրամի ներկայացուցիչ Արմեն Սարգսյանցը, Կամչատկայի երկրամասում Ռուսաստանի հայերի միության տարածքային ղեկավար Արթուր Խաչատրյանը և այլոք:
Միջոցառումը շարունակվեց համերգային ծրագրով, որում Նևելսկոյի անվան ծովային համալսարանի նվագախումբը (դիրիժոր՝ Անատոլի Յակիմենկո) կատարեց Առնո Բաբաջանյանի հայտնի գործերը:
