|
Քաղաքագետ Գագիկ Համբարյանի գրառումը․ «Ռուսամետից արևմտամետ դարձած Արամը ճիշտ է ասում, որ Արևմուտքի շնորհիվ է, որ Ադրբեջանը չի հարձակվում Հայաստանի վրա, քանի որ հենց Արևմուտքն է Հայաստանին պարտադրում տալ Ադրբեջանին այն ի'նչ վերջինս ուզում է և հարձակման կարիքը չեզոքացվում է... |
***
|
«Հանրապետություն» կուսակցության նախագահ Արամ Սարգսյանի գրառումը` ստորև․ «Մինչև այսօր մեզ վրա հարձակումը կարողացել է զսպել Արևմուտքը: Ես համոզված եմ, որ այսուհետ էլ կարողանալու է... Արևմուտքն է նաև դիվանագիտական գործիքակազմին զուգահեռ զինում Հայաստանը: Սա փաստ է։ Բնականաբար այս փաստը մտահոգում է Ադրբեջանին, որ բացահայտ դրսևորվում է նոր սպառնալիքների տեսքով։ Նման իրավիճակում, առավել ևս COP 29-ից հետո, գերկարևոր է, որ Արևմուտքը վստահ լինի մեր՝ դեպի ԵՄ գնալու վճռականության մեջ։ Նաև սա, և հիմնականում սա էր պատճառը, որ մենք առաջարկում էինք ՀՀ իշխանությանը, հիմա, կրկնում եմ, հիմա՝ մինչև COP 29-ը, անցկացնել վստահության հանրաքվե։ «Սպասենք՝ տեսնենք, թե ինչ կլինի, ըստ այդմ էլ կորոշենք» տարբերակը ամենավատն է, որովհետև այդ դեպքում մեզ ոչ Հյուսիսում, ոչ էլ Արևմուտքում չեն վստահելու, որովհետև դա նշանակելու է, որ մենք կոնկրետ ուղղվածություն չունենք, հետևություններ չենք արել, չենք արժևորել մեզ աջակցողների ջանքերը, հետևաբար՝ հուսալի չենք։ Ակնհայտ է, որ ԵՄ ուղենիշ վերցրած Հայաստանի դեմ ագրեսիան միանշանակ ընկալվելու է ՌԴ-ի կողմից հրահրված, ինչից էլ, 100% համոզված եմ, որ խուսափել և խուսափում է Ադրբեջանը։ |
