ՀՀ վարչապետ Նիկոլ Փաշինյանն այսօր՝ Հանրային հեռուստաընկերության եթերում հայտնեց, որ եռակողմ ստորագրված փաստաթուղթն առաջին հերթին ռազմական գործողությունների դադարեցման մասին պայմանավորվածություն է:
«Ըստ էության քննարկում, որպես էդպիսին, դեռ նոր պիտի սկսվի և դա դիվանագիտական բնույթի քննարկում է, դա, կարծում եմ, տեղի կունենա շատ երկար: Ես ուզում եմ բոլորի ուշադրությւոնը հրավիրել, որ սա, այնուամենայնիվ, ռազմական գործողությունների դադարի մասին փաստաթուղթ է:
Պետրոս Ղազարյանի դիտարկմանը, թե փաստաթղթում կոնկրետ ամսաթվեր են նշված, թե որ տարածքը երբ պիտի հանձնվի Ադրբեջանին, Փաշինյանն ասաց. «Դա էլ ռազմական և զինվորական բնույթի խնդիրներ և առաջադրանքներ են: Նկատի ունեմ՝ սա քաղաքական կարգավորման փաստաթուղթ չէ: Այստեղ կան տերմիններ, նախադասություններ, որոնք պետք է մեկնաբանվեն և դառնան քաղաքական բովանդակություն և այդ փուլում, իհարկե, քննարկումները հնարավոր կդառնան: Բայց այդ դեպքում էլ, բնականաբար, քննարկման հիմնական ֆորմատը լինելու է կառավարության ներսում»:
Նիկոլ Փաշինյանի հարցազրույցը Պետրոս Ղազարյանին՝ ամբողջությամբ՝ տեսանյութում։
