Աշխարհահռչակ շանսոնյե Շառլ Ազնավուրը ֆեյսբուքյան իր էջում անդրադարձել է Հայաստանի ձայնը նախագծի հինգերորդ գալահամերգի ժամանակ Նարեկ Մակարյանի կատարմանը.«Բացահայտեք ձեզ համար տաղանդավոր երգչի՝ Նարեկ Մակարյան: Հայաստանի ձայնի թեկնածուներից: Ազնավուր է երգում»,- գրել է Մաեստրոն:
Ի պատասխան Շառլ Ազնավուրի ֆեյսբուքյան գրառման` Նարեկն իր էջում գրել է. «Մեծագույն անակնկալ ինձ համար: Այնքան հուզված ու շփոթված եմ, որ չեմ կարող բառերով արտահայտել զգացումներս: Խոստովանեմ՝ ինձ համար մեծագույն պատիվ է արժանանալ հանրահռչակ երգչի արձագանքին: Սա ինձ համար արդեն իսկ հաղթանակ է: Ես խոնարհվում եմ Ձեր առաջ, Մաեստրո»:
