«Հրապարակ» թերթը գրում է. «Առաջիկայում սպասվող 3 համապետական տոներից իշխանությունների համար ամենակարեւորը, թերեւս, Ֆրանկոֆոնիայի համաժողովն է, որին պատրաստվում են ամենայն մանրակրկիտությամբ: Ի շարս այլ հարցերի, Հայաստան ժամանած բազում հյուրերին անհրաժեշտ թարգմանիչներով ապահովելու հարցն էլ է հետաքրքրել Սերժ Սարգսյանին՝ Եվրոպական համալսարան կատարած այցի ժամանակ։
Բուհի ռեկտոր Հեղինե Բիշարյանի մոտ քննարկման ժամանակ, որին մասնակցել է նաեւ Ֆրանսիական համալսարանի ռեկտոր Ժան-Մարկ Լավեստը, Սերժ Սարգսյանը հարցրել է` ուսանողների մեջ կա՞ն 200 հոգի, որ կարող են վարժ թարգմանել եւ ուղեկցել ֆրանկոֆոն հյուրերին: Ասվել է` կան:
ԿԳ նախարար Լեւոն Մկրտչյանն էլ հաստատել է իր դստեր օրինակով, որն ավարտել է Ֆրանսիական համալսարանը»:
Առավել մանրամասն՝ թերթի այսօրվա համարում
