«Իմ քայլը» խմբակցության ղեկավար Լիլիթ Մակունցն այսօր անդրադարձել է Սերժ Սարգսյանի՝ Զագրեբում արված հայտարարությանը: «Ժողովրդավարության դեմ հանդես գալու եւ ժողովրդավարության դեմ պայքարելու հիմնական մարտահրավերն այն է, որ հանդես են գալիս ժողովրդավարությունը որպես պոպուլիզմ անվանելով:
Սա ժողովրդավարության համար ամենամեծ մարտահրավերն է: Բնականաբար, ինչպես պետք է պայքարել ժողովրդավարության դեմ, եթե ոչ այն պիտակավորելով: Երկրորդը՝ նախորդ իշխանությունները հեռացել են ոչ այն պատճառով, որպեսզի տեղի չունենան մարդկային զոհեր, այլ հեռացել են այն պատճառով, որովհետեւ ՀՀ քաղաքացիները մերժել են նրանց: Սա շատ կարեւոր տարբերություն է: Եվ Սերժ Սարգսյանի ելույթից ես գալիս եմ այն եզրակացության, որ ՀՀԿ-ն վերլուծություն չի կատարել ու չի վերլուծել, թե ինչն էր պատճառը, որ 2018-ի գարնանը տեղի ունեցավ հեղափոխություն»:
