Հայկական բանակը 21 տարեկան է: Այն կազմավորվեց, թրծվեց հայոց հողի համար մղված թեժ մարտերում, ցույց տվեց, որ մարտունակ է ու հաղթանակող:
Հիմա մեզ համար հայոց բանակը ազգային հպարտություն է, որի ուժի ու մարտունակության շնորհիվ տարիներ շարունակ պահպանվում է խաղաղությունը:
Մենք լավ գիտենք խաղաղության գինը և նրա հարատևության համար պետք է օրեցօր զորացնենք մեր սնած ու փայփայած բանակը, ուրախանանք նրա ձեռքբերումներով:
Հզոր բանակ ունեցող պետության մեջ միայն կարելի է յուրաքանչյուր օրը դիմավորել հանգիստ խղճով, համոզված, որ խաղաղությունը պահպանվում է մշտապես աչալուրջ ու զգոն բանակի ու հայ զինվորների կողմից:
Հայոց բանակի տոնը բոլորինս է, ուրեմն` կեցցե մեր բանակը:
Եվ Տա Աստվախ, որ շուտով վերանան մեր բանակում առկա ցավոտ բոլոր խնդիրները` զինակցի հանդեպ դեռևս հաճախակի նկատվող անհանդուրժող երևույթները, սպանություններն ու ինքնասպանությունները, զինվորի օրապահիկը գողացող ուսադիրավորները ու նաև մեր բանակի նվաճումները տեսնել չցանկացողները:
