Սուրենյանի տեսանյութը՝ ինչպես է անձրևը հեղեղել Շենգավիթի մետրոյի գետնանցումը․ մարդիկ հազիվ են դուրս գալիս
|
Երևանում տեղացած հորդառատ անձրևից հետո քաղաքի տարբեր փողոցներում ու գետնանցումներում հեղեղումներ են։ Տեսանյութերից մեկը տարածել է Գագիկ Սուրենյանը՝ նկարահանված Շենգավիթում։ *** Հորդառատ անձրևի պատճառով հեղեղվել էր մետրոպոլիտենի «Շենգավիթ» կայարանի նախամուտքը։ Այս մասին ֆեյսբուքյան իր էջում գրել է Երևանի քաղաքապետի խոսնակ Հայկ Կոստանյանը՝ հավելելով․ «Մետրոպոլիտենի աշխատակիցների ջանքերով կարճ ժամանակահատվածում նշված խնդիրը կարգավորվել է»։ *** Կարեն Դեմիրճյանի անվան Երևանի մետրոպոլիտենի Շենգավիթ կայարանի մուտքի հատվածում հորդառատ անձրևի հետ կապված կարճատև միջադեպի ժամանակ մետրոպոլիտենի աշխատակիցների արագ և կազմակերպված աշխատանքի շնորհիվ Երևանի մետրոպոլիտենը վնասներ չի կրել և աշխատում է իր բնականոն հունով։ Այս մասին հայտնում են Երևանի մետրոպոլիտենից։ |
