Իրավապահներն այսօր այցելել են «Սպայկա» ընկերություն եւ ինչ որ գործողություն են իրականացրել։ Կարելի է՝ ենթադրել, որ հարկերը թաքցնելու կասկածներ կան, քանի որ մեզ ասացին, որ այցելողները ՊԵԿ հետաքննության բաժնից են։

Այս մասին գրում է hraparak.am-ն ու նշում, որ ավելի ուշ տեղեկություն է ստացել, որ ժամը 22։00-ի սահմաններում «Սպայկայի» տնօրեն եւ սեփականատեր Դավիթ Ղազարյանը ձերբակալվել է։ Գործողությունն իրականացրել է ՊԵԿ-ը։

Հիշեցնենք, որ ընդամենը մեկ շաբաթ առաջ «Սպայկա» ընկերության պանրի գործարանի հանդիսավոր բացումը տեղի ունեցավ, որին մասնակցում էր նաեւ վարչապետ Նիկոլ Փաշինյանը։