ՀՀ վարչապետի պաշտոնակատար Նիկոլ Փաշինյանի որոշմամբ՝ Եղիշե Կիրակոսյանը նշանակվել է վարչապետի խորհրդական:
Այս մասին տեղեկանում ենք վարչապետի պաշտոնական կայքէջից:
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 10-րդ մասով՝
Եղիշե Կիրակոսյանին նշանակել վարչապետի խորհրդական»,-ասված է վարչապետի պաշտոնակատարի որոշման մեջ:
Նշենք, որ Եղիշե Կիրակոսյանը եղել է ՀՀ նախկին վարչապետերից Տիգրան Սարգսյանի օգնականը։ Այդ պաշտոնում նա պաշտոնավարել է 2008-2012 թվականներին։ 2012-2014թթ. ՀՀ արդարադատության նախարարի տեղակալն է եղել։ 2014թ. հուլիսից աշխատել է ՀՀ Սահմանադրական դատարանի նախագահի խորհրդականի պաշտոնում։
