Հայաստանի պետական սահմանի հայ–իրանական հատվածում թմրանյութերի մաքսանենգության փորձ է կանխվել։ Այս մասին հայտնում է Հայաստանում Ռուսաստանի ԱԴԾ(Անվտանգության ԴԱշնային ծառայություն) սահմանային վարչության մամուլի ծառայությունը։
Միջադեպը տեղի է ունեցել մարտի 26-ին «Ագարակ» հսկիչ անցակետում։
«Ծառայողական շան օգնությամբ սահմանապահ կարգախումբը Թեհրան–Երևան երթուղով ընթացող զբոսաշրջային ավտոբուսի զննության ընթացքում, ավտոբուսի վարորդի մոտ հայտնաբերվել է մուգ շագանակագույն նյութով (ենթադրաբար հում ափիոն) երկու փաթեթ», – գրված է հաղորդագրության մեջ։
Միջադեպի բոլոր հանգամանքները պարզելու համար, վարորդը և հայտնաբերված նյութը տարվել են ոստիկանության Մեղրիի բաժին։
