Դեկտեմբերի 23-ին Դավթաշեն վարչական շրջանի ղեկավար Միքայել Թումասյանի նախաձեռնությամբ վարչական շրջանի հաշմանդամություն ունեցող երեխաների համար իրականացվեց տոնական միջոցառումների շարք:
Միջոցառումներին ընդգրկվել էին շուրջ 90 երեխա: Օրվա սկզբում վարչական շրջանի ղեկավար Մ. Թումասյանը նրանց հյուրընկալեց իր աշխատասենյակում: Այնուհետև երեխաները իրենց օրը շարունակեցին մանկական ժամանցի կենտրոններից մեկում: Այստեղ նրանց հյուր եկան հեքիաթի հերոսները, Ձմեռ պապն ու Ձյունանուշը:
Երեխաները Ձմեռ պապի կողմից ստացան իրենց ամանորյա նվերները: Դավթաշեն վարչական շրջանի ղեկավարի աշխատակազմը հատուկ շնորհակալություն է հայտնում բոլոր այն կազմակերպություններին և անհատներին, ովքեր նպաստեցին երեխաների օրը դարձնել էլ ավելի ուրախ և հաճելի:
