Հիմքեր կան ենթադրելու, որ Անկարան «ձեռքերը տաքացնում էր» ահաբեկիչների հետ նավթային բիզնեսի վրա:
Այդ մասին հայտնել է Ռուսաստանի արտգործնախարար Սերգեյ Լավրովը Բելառուսի պետական համալսարանում բելառուս երիտասարդության հետ հանդիպմանը:
Լավրովի խոսքով, ինչ վերաբերում է ահաբեկիչներին, տեղի է ունեցել «նավթային բիզնես եւ արտեֆակտերի մաքսանենգության եւ սահմանով այլ անօրինական տեղափոխությունների բիզնես, որով թուրքերը զբաղվել են եւ որոնք կասեցնելու համար թուրքական ղեկավարությունը ոչինչ չի ձեռնարկել»:
«Ավելին, հիմքեր կան կարծելու, որ (թուրքական ղեկավարությունը) ձեռքերը տաքացրել է այդ բիզնեսի վրա», - ընդգծել է նա, հայտնում է ՏԱՍՍ-ը:
ՌԴ արտգործնախարարի խոսքով, դեռեւս բարդ պայքար է պետք մղել ահաբեկչության դեմ: Լավրովը հավելել է, որ ահաբեկիչներն ակտիվորեն զբաղվում են հավաքագրմամբ, «ոմանց շողոքորթում են դեռեւս օրորոցից»:
