Հիշեցում Asekose.am-ի կողմից` բլոգերների ու համացանցի օգտատերերի գրառումները ներկայացվում են առանց խմբագրման:
Թուրքիայում գիշերվանից կրկին ակտիվացել են քրդերը, մասնավորապես Քրդական բանվորական կուսակցության (PKK) զինյալները: Այսօր առավոտյան Սիլվանի վարչական տարածքի մեջ մտնող Ջուլվերթ բնակավայրում բախումներ և պայթուններ են տեղի ունեցել: Բախումների հետևանքով զոհվել է թուրքական բանակի սպա Էմին Աքյըլդիզը, վիրավորվել են շարքայիններ Ռամազան Բեյազօղլուն և Իզեթին Քալքան: Վիրավորներին տեղափոխող զրահապատ մեքենան նույնպես պայթեցվել է: Այս դեպքում զոհերի և վիրավորների մասին տվյալներ դեռ չկան: Սիլվանում թուրքական ուժերը անցել են լայնածավալ հակագրոհի:
