Նախագահ Դոնալդ Թրամփի մոտեցումները չեն փոխվել Մեքսիկայի հետ հարավային սահմանին պատ կառուցելու նախաձեռնության վերաբերյալ: Նախագահը շարունակում է պնդել, որ Մեքսիկան կվճարի կառուցվող պատի համար:
Սպիտակ տանը Ֆինլանդիայի իր գործընկերոջը հյուրընկալելու ընթացքում նախագահ Թրամփը կրկին անդրադարձավ այս հարցին:
«Ամեն դեպքում Մեքսիկան վճարելու է պատի համար: Դա կլինի փոխհատուցման, թե այլ ճանապարհով, բայց այն կվճարի»,- հայտարարել է նախագահ Թրամփը:
Թրամփը վերջերս սպառնացել է, որ կդադարեցնի դաշնային կառավարության գործունեությունը, եթե Կոնգրեսը չաջակցի պատի կառուցման ֆինանսավորումը: Մեքսիկայի նախագահը նշել է, որ չի պատրաստվում վճարել պատի դիմաց:
