ՀՀ վարչապետ Նիկոլ Փաշինյանը ֆեյսբուքյան իր էջում լուսանկար է հրապարակել, որին կից գրել է.
«Եւս մեկ այդպիսի տաքսի եւ նորից շնորհակալություն: Բայց կրկին ուզում եմ ընդգծել, սիրելի հայրենակիցներ, որ այսօր
Մեր վարակի տարածման հիմնական աղբյուրը բակերն են, «բիսեդկաները», բնակելի շենքերի ներսում մեզ հայտնի շփումները՝ հակահամաճարակային կանոնների չպահպանմամբ:
Դարձեք հակահամաճարակային շարժման ակտիվիստ, տարածեք իմացությունը վիրուսի մասին եւ մեր բոլոր հայրենակիցներին՝ այդ թվուիմ բակերում, թաղամասերում, բնակելի շենքերում, «բիսեդկաներում» հորդորեք պահպանել հակահամաճարակային կանոնները»:
Նշենք, որ ավելի վաղ Փաշինյանը ևս մեկ լուսանկար էր հրապարակել՝ կից գրելով.
«Տաքսու վարորդը պոլիէթիլենով մեկուսացրել է դիմացի նստատեղերը հետեւի նստատեղերից եւ կրում է դիմակ. շնորհակալություն՝ հակահամաճարակային կանոնները պահպանելու համար»:
