Վարչապետի լրատվական ծառայությունը հայտնում է, որ Նիկոլ Փաշինյանն այցելել է Պաշտպանության նախարարության կենտրոնական կլինիկական զինվորական հոսպիտալ: Վարչապետը տեսակցել է ադրբեջանա-թուրքական ագրեսիայի հետևանքով Լեռնային Ղարաբաղում վիրավորված զինծառայողներին:
Բուժանձնակազմը կառավարության ղեկավարին ներկայացրել է զինծառայողների առողջական վիճակն ու ապաքինման ընթացքը:
Նիկոլ Փաշինյանը զրուցել է զինծառայողների հետ, մաղթել շուտափույթ ապաքինում և շնորհակալություն հայտնել անձնվեր ծառայության համար:
Նշենք, որ վարչապետը տեսակցել է նաեւ Արցախում օրեր առաջ բեկորային վնասվածքներ ստացած ԵԿՄ նախագահ Սասուն Միքայելյանին:
Դիտեք նաև՝
