Վրաստանի սահմանը հատելիս ժամանակավորապես չի պահանջվի ավտոմեքենայի սեփականատիրոջ կողմից վարորդին տրված լիազորագիր, ինչպես ավելի վաղ որոշվել էր:
Այս մասին հայտնում է Վրաստանի Հայաստանի դեսպանության լրատվական ծառայությունից:
«Հայաստանի Հանրապետության հարգելի՛ քաղաքացիներ, կապված զբոսաշրջային ժամանակահատվածի հետ, վրացական իշխանությունները որոշում են կայացրել ընդառաջել և մինչև վերոնշյալ ժամանակահատվածի ավարտը սահմանին լիազորագիր չպահանջել այն վարորդներից, ովքեր սահմանը հատում են իրենց վրա չգրանցված ավտոմեքենայով»,-ասված է դեսպանության հայտարարության մեջ։
