Երևանի պետական բժշկական համալսարանի աշխատակազմի ղեկավար Շուշան Դանիելյանը ֆեյսբուքյան իր էջում մանրամասներ է ներկայացրել քիչ առաջ կողաշրջված շտապօգնության մեքենայում գտնված աշխատակիցների վիճակից.
«Քիչ առաջ շտապօգնության ավտոմեքենա է կողաշրջվել, շտապ օգնության 3 աշխատակիցները ՝ բժիշկը, բուժքույրը և վարորդը տեղափոխվել են թիվ 1 համալսարանական հիվանդանոց։
Ներկա պահին տուժածները գտնվում են հետազոտման փուլում։
Վարորդի վիճակը գնահատավում է միջին ծանրության՝ ունի աջ վերին վերջույթի բազմաբեկոր կոտրվածք, բժշկի վիճակը գնահատվում է բավարար, իսկ բուժքրոջ վիճակը՝ կայուն՝ միջին ծանրության: Ներկա պահին տուժածների կյանքին վտանգ չի սպառնում»,- գրել է Դանիելյանը:
