Հ վարչապետ Նիկոլ Փաշինյանի՝ Ղազախստան աշխատանքային այցի օրակարգում ոչինչ չի փոխվել, բոլոր նախատեսված հանդիպումները կայացել և կայանում են: Այս մասին «Արմենպրես»-ի հետ զրույցում նշել է ՀՀ վարչապետի խոսնակ Վլադիմիր Կարապետյանը՝ անդրադառնալով տարածված տեղեկություններին, թե ՀՀ վարչապետը ընդհատելու է Ղազախստան կատարած աշխատանքային այցը:
«Նման բան չկա: Օրակարգով նախատեսված բոլոր հանդիպումները կայացել են և ընթացքի մեջ են: Այս պահին ընթանում է Նիկոլ Փաշինյանի և Ղազախստանում ապրող հայ գործարարների հանդիպումը: Քննարկվում են տարբեր ներդրումային ծագրեր, գործարար ակտիվության հետ կապված հարցեր »,-ասել է Վլադիմիր Կարապետյանը:
Բարձրագույն Եվրասիական տնտեսական խորհրդի նիստը վարել է վարչապետ Նիկոլ Փաշինյանը: Վլադիմիր Կարապետյանը նշեց, որ նիստին ծրագրավորված բոլոր պայմանավորվածությունները ձեռք են բերվել, փաստաթղթերը ստորագրվել են: Հաջորդ հանդիպումը տեղի է ունենալու Երևանում՝ հոկտեմբերի 1-ին: Հանդիպումից հետո մամուլի համար հայտարարությամբ հանդես են եկել ՀՀ վարչապետ Նիկոլ Փաշինյանը և Եվրասիական տնտեսական հանձնաժողովի կոլեգիայի նախագահ Տիգրան Սարգսյանը: Դրան հաջորդել է պաշտոնական ճաշը:
Կարդացեք նաև՝ Հայաստանը կարևորում է ԵԱՏՄ արտաքին կապերի ամրապնդումը. Նիկոլ Փաշինյան
Կարդացեք նաև՝ Աշխատանքի մեծ դաշտ ունենք.Նիկոլ Փաշինյանը և Ղազախստանի նախագահը քննարկել են երկկողմ հարաբերությունների զարգացման հարցեր
Կարդացեք նաև՝ Երբ կհասնեք իմ փորձին և տարիքին, ավելի լավ կհասկանաք ինձ. Նազարբաևը՝ Նիկոլ Փաշինյանին
Ինչպե՞ս ընդունեց Նուրսուլթան Նազարբաևը Նիկոլ Փաշինյանին
Դիտեք նաև՝