Ազգային ժողովում մեկնարկել է արտահերթ նստաշրջանը:
Տարածքային կառավարման նախարար Արմեն Գևորգյանին հարցեր ուղղեցին մի շարք պատգամավորներ:
«Սահմանադրական իրավունք միություն» կուսակցության նախագահ Հայկ Բաբուխանյանը անդրադառնալով շինարարության ոլորտին`հարցրեց.
«Ճանապարհները տարեցտարի վերանորոգվում են և փչանում: Արդյոք պատժվո՞ւմ են համապատասխան ընկերությունները: Եղել են դեպքեր, որ Վերահսկիչ պալատը թերություններ է հայտնաբերել, համապատասխան կազմակերպոթւյունները` ոչ»:
Արմեն Գևորգյանը, պատասխանելով հարցին` մանրամասնեց.
«Երբ որ շինարարական ընկերության հետ պայմանագիր է կնքվում, նշվում է նաև հետաշխատանքային ժամկետը: Հիմա բետոն են արել և 1 միլիարդի բետոնի մեջ արձանագրվել է 46 միլիոնի անորակ աշխատանք: Տեխնիկապես դա թույլատրելի և հասկանալի է»,-ասաց փոխվարչապետը` հավելելով, որ ճանապարհատրանսպորտային ոլորտում որակի հետ խնդիրներ կան:
