Աշխարհի առաջնության 1/8 եզրափակչի շրջանակներում միմյանց դեմ մրցեցին Կոստա Ռիկայի եւ Հունաստանի ազգային հավաքականները:
Հանդիպումն անցավ երկուստեք գրոհների ներքո, սակայն Կոստա Ռիկացիներիը, ովքեր առաջին հորիզոնականով էին դուրս եկել Մահվան խմբից, կարողացան բացել հանդիպման հաշիվը: 52-րդ րոպեին այդ գոլը հեղինակեց Բրայան Ռուիզը:
Բայց 66-րդ րոպեից սկսած՝ Կոստա Ռիկան հանդես էր գալիս 10 ֆուտբոլիստներով, խաղադաշտից հեռացվել էր Դուարտեն: Եվ ահա մեկ ֆուտբոլիստ ունենալու առավելությունը հույներն օգտագործեցին ավելացված ժամանակում: Սոկրատիսը հասավ տուգանային հրապարակ և արագ կողմորոշվելով՝ իր մոտ ետ մղված գնդակն ուղարկեց Կեյլոր Նավասի դարպասը՝ 1-1:
Լրացուցիչ 30 րոպեներն անցան դրամատիկ պայքարում, սակայն գոլեր չգրանցվեցին: Նշանակվեց 11 մետրանոց հարվածաշար:
Այստեղ ավելի դիպուկ գտնվեցին Կենտրոնական Ամերիկան ներկայացնող կոստա-ռիկացիները՝ 5-3
Կոստա Ռիկա-Հունաստան՝ 1-1 (11 մ.՝ 5-3 )
