Ադրբեջանում խորանում են հակասությունները Կովկասի մուսուլմանների վարչության նախագահ, շեյխուլիսլամ Ալլահշուքյուր Փաշազադեի ու ծայրահեղ կրոնական կազմակերպությունների միջև: Օրեր առաջ Փաշազադեն հայտարարեց, որ Սիրիայում կռվող ադրբեջանցիները հայտնվել են մոլորության մեջ, ինչը շատ վտանգավոր է երկրում կայունությունը պահպանելու համատեքստում, քանի որ ծայրահեղ կրոնական կազմակերպությունները ակտիվ գործունեություն են ծավալում Ադրբեջանում: Խոսքը վերաբերվում է, մասնավորապես, սալաֆիներին: Հետաքրքիր է, որ այդ հայտարարությունից հետո շեյխի դեմ ակտիվ տեղեկատվական հարձակում սկսվեց ԶԼՄ-ներում: Այսօր տեղեկություն է ստացվել, որ Փաշազադեն մեծ փողեր է վերցնում տարբեր կրոնական կազմակերպություններից Ադրբեջանում ծրագրեր իրականացնելու նպատակով, սակայն այդ փողերը կորում են: Փաստորեն շեյխը մի կողմից հայտարարում է, որ Ադրբեջանում ծայրահեղ կրոնական կազմակերպությունների գործունեությունն անընդունելի է, մյուս կողմից փող է վերցնում նրանցից:

Սարգիս Ասատրյան