ԱԺ քարտուղարությունը նախօրեին 9 անգամ ներկա-բացակա է արել` արդյունքում ներկայացնելով «Տեղեկանք ՀՀ ԱԶգային Ժողովի հինգերորդ գումարման պատգամավորների Ազգային ժողովի նիստերին մասնակցության վերաբերյալ»: Պարզվել է, որ ընդամենը 8 պատգամավոր է ներկա եղել նիստերի դահլիճում. Այս մասին գրում է Hetq.am-ը և հավելում. ՀՀԿ-ից՝ Կարինե Պողոսյան, Ալեքսան Պետրոսյան, Հերմինե Նաղդալյան, Խոսրով Հարությունյան, Սուքիաս Ավետիսյան, Արփինե Հովհաննիսյան, Արայիկ Հովհաննիսյան, Մկրտիչ Մինասյան, «Ժառանգություն» խմբակցությունից՝ Ալեքսանդր Արզումանյան: ԲՀԿ-ից ՀԱԿ-ից, ՕԵԿ-ից ՀՅԴ-ից չի եղել գեթ մեկ պատգամավոր, որ մշտապես մասնակցեր նիստերին:
Իսկ երեկ ԱԺ աշխատանքներին ընդհանրապես չեն մասնակցել ՀՀԿ-ից Արտակ Սարգսյանը, Ռուբեն Սադոյանը, Հակոբ Ռաֆիկի Հակոբյանը, Կարեն Կարապետյանը, Մարինե Մարաբյանը, Էդուարդ Շարմազանովը, Մարտին Սարգսյանը, Առաքել Մովսիսյանը եւ Սպարտակ Մելիքյանը:
ԲՀԿ-ից բացակայել են Գագիկ Ծառուկյանը, Լյովա Խաչատրյանը, Մարտուն Գրիգորյանը, Վարդան Օսկանյանը, Գուրգեն Արսենյանը, Վահե Էնֆիաջյանը, Վահան Բաբայանը, Տիգրան Ուրիխանյանը, Ռուստամ Գասպարյանը եւ Աբրահամ Մանուկյան:
ՀՅԴ-ից ողջ որվա ընթացքում բացակայել է միայն Արմեն Ռուստամյանը, «Ժառանգությունից»` Զարուհի Փոստանջյանը:
Հարկ է նշել, որ մյուս պատգամավորները նիետերին մասնակցել են 1-2 ժամ եւ նրանք էլ լքել են տարածքը:
Հիշեցնեք, որ երեկ Ազգային ժողովի նախագահ Հովիկ Աբրահամյանը բարկացել էր պատգամավորների վրա` խոստանալով հրապարակել այն պատգամավորների անունները, ովքեր չեն հաճախում ԱԺ նիստերին:
