Թարմացված․ Տիգրան Քոչարյանը ֆեյսբուքյան իր էջում գրել է․ «Ժող ջան, այս տեղեկատվությունը ՖԵՅՔ է, մի տարածեք»։
Բաքվում կայացած XII Գլոբալ ֆորումի ընթացքում Ադրբեջանի նախագահ Իլհամ Ալիևը հայտարարեց, որ ներկայումս քննարկվող խաղաղության պայմանագրի նախագիծը պատրաստվել է Բաքվի կողմից և հիմնականում համաձայնեցված է։
Նա նաև կոչ արեց Նիկոլ Փաշինյանին ձերբակալել Հայաստանի նախկին նախագահներ Ռոբերտ Քոչարյանին և Սերժ Սարգսյանին, ինչպես նաև Արցախի պատերազմի այլ նախկին առաջնորդներին և արտահանձնել նրանց Ադրբեջանին։
Ալիևը մեղադրեց նրանց պատերազմական հանցագործությունների մեջ և նշեց, որ նրանց ձերբակալությունը կհաստատի Փաշինյանի անկեղծությունը խաղաղություն հաստատելու հարցում, քանի որ այս նախկին ղեկավարները, նրա խոսքով, լուրջ խնդիրներ են ստեղծել տարածաշրջանում։
Ադրբեջանական APA-ի հաղորդմամբ՝ «Ատլաս» հետազոտական կենտրոնի ղեկավար Էլխան Շահինօղլուն նշել է, որ համաձայնագրի 17 կետերից 15-ը արդեն համաձայնեցված են, իսկ Հայաստանը վերջերս ընդունել է Ադրբեջանի երկու պահանջները՝ հրաժարվել միջազգային պահանջներից և սահմանին չտեղակայել այլ երկրների ներկայացուցիչների։
Ալիևը կրկին ընդգծեց, որ Հայաստանը պետք է փոփոխություններ կատարի իր սահմանադրության մեջ, քանի որ այն «տարածքային պահանջներ է ներկայացնում Ադրբեջանի նկատմամբ»։ Նա նաև հայտարարեց, որ Հայաստանը պետք է բացի Զանգեզուրի միջանցքը, ստեղծի ապառազմականացված գոտի և ապամոնտաժի սահմանային ռազմական ենթակառուցվածքները։ Նա նախազգուշացրեց, որ եթե Հայաստանը չկատարի այս պայմանները, Ադրբեջանը կարող է դուրս գալ խաղաղության պայմանագրից։
Բացի այդ, Ալիևը մեղադրեց Ֆրանսիային՝ Հայաստանին զենք մատակարարելու մեջ՝ պնդելով, որ Հայաստանը պատրաստվում է նոր պատերազմի։ Նա նաև նշեց, որ Հայաստանի սահմանին տեղակայված ԵՄ դիտորդական առաքելությունն իրականում Ադրբեջանի դեմ լրտեսական գործողություն է։
Այս հայտարարություններն արվում են այն պայմաններում, երբ Ալիևը շարունակում է տարածաշրջանում լարվածություն ստեղծել ռազմական և դիվանագիտական ճնշումների միջոցով։
Աղբյուրն՝ այստեղ
