kinoafisha.ua-ն գրում է,որ Անջելինա Ջոլին «Անպարտելին» նոր ֆիլմի նկարահանումների համար ակտիվորեն ձեռնամուխ է եղել դերասանների քասթինգին: Դերասանուհին համագործակցության է հրավիրում 17-50 տարեկան նիհար ավստրալացի տղամարդկանց պատերազմի համակենտրոնացման ճամբարում գերիների զանգվածային տեսարանների համար:
Թեկնածուները պետք է պատրաստ լինեն փոխել սանրվածքը, ինչպես նաև չպետք է ունենան դաջվածքներ:
Ֆիլմի համար Անջելինան հրավիրում է նաև 17-50 տարեկան ճապոնացիների՝ վերահսկիչների դերում խաղալու համար: Ինչպես առաջին, այնպես էլ երկրորդ դեպքում, դերասանական ունակություններ անհրաժեշտ չեն: Հիշեցնենք, որ իր ֆիլմում Անջելինա Ջոլին ցանկանում է ցուցադրել ամերիկյան հերոս Լուի Ձամպերինիի պատմությունը. իրադարձությունները տեղի են ունենում Երկրորդ համաշխարհային պատերազմի ժամանակ:
Դերասանուհին այժմ զբաղված է նաև նկարահանումների համար տեղանքի ընտրությամբ, և ինչպես միշտ գրեթե ամենուր նրան ուղեկցում են երեխաները:
