Պոլսահայ աշխարհահռչակ լուսանկարիչ Արա Գյուլերը, ով նախօրեին տեղափոխվել էր վերակենդանացման բաժին, արդեն սովորական հիվանդասենյակում է, նրա առողջական վիճակը բարելավվում է։ Առաջիկայում նա շարունակելու է մնալ բժիշկների հսկողության տակ: Գրում է «թուրքագիտական պորտալը»:

Այս մասին տեղեկացնում է թուրքական «Էվրենսել» լրատվակայքը՝ հղում անելով հիվանդանոցից ստացած տվյալներին։

Գյուլերն ունի երիկամների հետ կապված խնդիրներ, և հերթական նոպայի ժամանակ նրան շտապ տեղափոխել էին հիվանդանոց։

Հայ լուսանկարիչը ծնվել է 1928-ին Ստամբուլում։ Երիտասարդ տարիքից զբաղվել է լուսանկարչությամբ և տարիների ընթացքում մեծ հեղինակություն և ճանաչվածություն վաստակել։