Պարտադրված անճաշակ երաժշտություն լսում ենք գրեթե ամենուր, ու այդ աղմուկից հոգիդ սկսում է ընդվզել, արյան կանչով ուզում ես, պահանջ ես զգում , մաքուր , անաղարտ հայ երգ լսելու:
Այդ հնարավորությունը կա բոլոր նրանց համար , ովքեր ծանոթ են Մավր Մկրտչյանի կատարողական արվեստին ու ձայնային տվյալներին:
Նոյեմբերի 9-ին Արամ Խաչատրյան մեծ համերգասրահում տեղի կունենա նրա մենահամերգը: Կենդանի նվագակցություն , սցենարային ոչ ստանդարտ մոտեցում, բովանդակալից երգացանկ , որում ներառված են չքողարկվող հարստության մասնիկները` Կոմիտասից մինչև մեր օրեր:
«Ժողովրդական երգիչ» նախագծից հայտնի Մավր Մկրտչյանը հանդես է գալիս որպես անհատ կատարող և արդեն իսկ հանդիսատեսին ներկայացրել է «Հեյ հոգի ջան» երգի հիման վրա նկարահանված տեսահոլովակը:
Մինչև տարեվերջ պատրաստ կլինի երկրորդ տեսահոլովակը և առաջին ձայնասկավառակը, ի դեպ բացառապես Կոմիտասի ստեղծագործություններ են լինելու:
Տեղեկությունը տրամադրել է PR մենեջեր Լուսինե Արշակյանը
