Երեկ իմ մի գրառումով հստակ ակնարկեցի ձեզ մաքրել ձեր ներսը. Ասեցի նաև ինչից մաքրել. մաքրվել էն բառիս նեգատիվ իմաստով «դերասաններից», որոնք սադրանքներ են անում իրավապահների հետ քաշքշուկ, հրմշտոց, կռիվ-դավի սարքելու և բերման ենթակվելու` իրենց նեղ անձնական շարժառիթներով: Դեսպանատներում «կանաչ լույս» ստանալու համար: Փաստերն էս պահին երկուսն են. հուսով եմ անհրաժեշտություն չի լինի անուններ հրապարակել. դա միայն կվնասի այս ապօրինի թանկացման դեմ առաջացած ազնիվ ակցիան:
Բայց էլի մտահոգող բաներ կան: Հարգելի իմ համաքաղաքացիներ, առանց չափազանցության` «մեր օրերի հերոսներ», խնդրում և հորդորում եմ. քայլերն արեք մտածված, հաշվարկված. գրողը տանի, վաղուց մենք քարի դարում չենք, վաղուց պետք է հասկացած լինենք, որ յուրաքանչյուր պրոցեսի արդյունավետությունն ու հաղթական ելքը գրագետ, ցիվիլ մտահաշվարկն է, ինչը նաև քիչ խոցելի է դարձնում մասնակիցներին ու գաղափարը: Ինչու՞ եք ակցիայի մասնակից դարձնում երեխաների, դեռահասների: Ինչու՞ եք ներսից թուլացնում ձեզ: Չէ որ դեռահասի երթուղայինի վրա նետած յուրաքանչյուր քարը, ահկախ նրանից պատուհան կոտրեց թե չէ, հասարակական կարգի խախտում է. բա իհարկե պիտի ոստիկանն էլ արձագանքի: Ու ճիշտ կանի, կարձագանքի: Պարտավոր է արձագանքել օրենքով սահմանված կարգով: Չէ որ «մարշրուտկայի», որի մեջ էլի մեր քաղաքացի ուղևորն է ու մեր քաղաքացի վարորդը, այո, այդ «մարշրուտկայի» ուղղղությամբ նետված յուրաքանչյուր քարը նետված է ձեր գաղափարի դեմ, ժաղավուրդ, նորից եմ կրկնում, սթափվեք. հո քարի դարու՞մ չենք: Ի վերջ էս ամեն ազնիվ նախաձեռնություն տո հենց առաջինը մեր երեխաների վաղվա օրվա համար է: 
Հարգելի ակտիվիստներ, բացառեք դեռահասների մասնակցությունը «մենք չենք վճարի 150» ակցիայում:

Մելս Խաչատրյանի  գրառումը

Ֆեյսբուք