Հայաստանի ազգային հավաքականի գլխավոր մարզիչ Բեռնար Շալանդն անդրադարձել է թիմի խայտառակ պաշտպանությանը՝ վերջին երկու ընկերական խաղերում: Պաշտպանների ոչ հուսալի լինելու հիմնական պատճառը, ըստ շվեյցարացու, Հայաստանի առաջնության չափազանց ծացր մակարդակն է.
-Վերջին երկու խաղում մենք 6 գնդակ բաց թողեցինք, որոնցից չորսը անկյունային հարվածների արդյունք էին: Դա նորմալ չէ, քանի որ մենք ունենք այնպիսի ֆուտբոլիստներ, ովքեր գերազանց պայքարում են երկրորդ հարկում: Ես չեմ կարողանում հասկանալ…
Մեր պաշտպանական ողջ գիծը խաղում է Հայաստանի առաջնությունում, հենց դա է խնդիրը: Այստեղ առաջնության մակարդակը բավականին ցածր է: Կանեմ ամեն ինչ, որպեսզի տղաները կարողանան տեղափոխվել արտասահման,- նշել է Շալանդը:
