ԿԱՆԽԱՏԵՍՈՒՄ

Երրորդ հանրապետությունում թերևս առաջին անգամ իշխանությունները կարծես թե մտադրություն ունեն ներքաղաքական լարվածությունը և արտաքին ուժերի ազդեցությունը մեղմելու նպատակով որոշ փոփոխությունների գնալ:

Ընդդիմությունը մերժում է փոխզիջումների գնալու տարբերակը:

Իշխանությունն ինքը ինքնուրույն փոփոխությունների չի գնա, քանի որ կզգուշանա, որ ընդդիմությունը դա կներկայացնի որպես իր ճնշման տակ իշխանությունների նահանջ ու դրա քարոզով կհամալրի իր շարքերը:

Ընդդիմությունն առաջիկայում իշխանություններին կոշտ քննադատության կենթարկի, նեղը կգցի, որից իշխանությունները կագրեսիվանան, հերթական անգամ կկազմաքանդեն ընդդիմությանը, և դրանից հետո էլ չեն մտածի փոփոխություններ իրականացնելու մասին:

Եվ մենք մեկուկես մետրով էլ կխորանանք ճահճի մեջ:

ՀԳ. Տա Աստված, գոնե այս անգամ կանխատեսումս չիրականանա:

Հրապարակախոս Արծրուն Պեպանյանի գրառումը

Ֆեյսբուք