Եվրոպայի խորհրդի  Խորհրդարանական վեհաժողովը (ԵԽԽՎ) մերժել է Եվրախորհրդի Նախարարների կոմիտեում Հայաստանի նախագահությունը կասեցնելու առաջարկը: 

Azatutyun.am-ն է գրում այս մասին ու նշում, որ համապատասխան փաստաթուղթը ներկայացրել էին Վեհաժողովի 31 պատվիրակներ:

Հայաստանը Նախարարների կոմիտեն նախագահում է մայիսի 16-ից ` վեցամսյա ժամկետով, նոյեմբերին այդ լիազորությունները կփոխանցվեն Ավստրիային, այնուհետեւ՝ հաջորդ տարվա մայիսից, Ադրբեջանին:

Հայաստանի նախագահությունը կասեցնելու փաստաթղթին միացել էին ադրբեջանամետ պատգամավորներ:

ԵԽԽՎ-ում հայաստանյան պատվիրակության անդամ, Ազգային ժողովի «Բարգավաճ Հայաստան» խմբակցության պատգամավոր Նաիրա Զոհրաբյանի փոխանցմամբ` նախագծում Հայաստանը բնորոշված էր որպես «ագրեսոր» երկիր, «որին չպետք է տալ Նախարարների կոմիտեն ղեկավարելու լիազորություն», սակայն փաստաթղթին միացած երեք տասնյակ պատվիրակներից բացի որեւէ մեկը լուրջ չի վերաբերվել այդ պնդումներին:

ԵԽԽՎ-ի նախագահի առաջարկով այսօր նախատեսված է Վեհաժողովում Հայաստանի եւ Ադրբեջանի պատվիրակությունների հանդիպումը: 

Ավելի մանրամասն` այստեղ: