Մեզ համար անընդունելի է քննադատությունը տեղափոխել ընտանիք, այսօր մամուլի ասուլիսի ժամանակ այտարարեց ԲՀԿ առաջնորդ Գագիկ Ծառուկյանի մամուլի խոսնակ Իվետա Տոնոյանը՝ ամփոփելով նախընտրական քարոզարշավի առաջին շաբաթը:
«Հարցումներից մեկի տվյալներով՝ Գագիկ Ծառուկյանի՝ «ես իմ կլասը չեմ գցելու» արտահայտությունը համարվել է նախորդ շաբաթ հնչած ամենապոպուլյար արտահայտությունը: Մենք չենք մտնելու այս լեքսիկոնով քննարկումների դաշտ: Սակայն, դա չի նշանակում, որ մեր բառապաշարը չի բավականացնում, պարզապես մեր արժեհամակարգը, անցած ճանապարհը դա թույլ չի տալիս», - նշեց նա:
ԲՀԿ առաջնորդի մամուլի խոսնակը նաև ասաց, որ Գագիկ Ծառուկյանը շարժվում է այն առաջնահերթությամբ, որ պետք չէ ցեխ շպրտել քաղաքական ընդդիմախոսների վրա, բայց եթե իրենց վիրավորեն, համարժեք պատասխան լինելու է:
***
|
«Արտաքին միջամտություն կա և այդ աջակցությունը բացառապես ՔՊ կուսակցության մասով է, աջակցողներն էլ Ադրբեջանն ու Թուրքիան են»,- այսօր ասուլիսի ժամանակ հայտարարել է ԲՀԿ խոսնակ Իվետա Տոնոյանը՝ անդրադառնալով լրագրողի դիտարկմանը, ըստ որի՝ վերջին շրջանում ԲՀԿ-ի հասցեին արտաքին միջամտության վերաբերյալ մեղադրանքներ են հնչեցվում՝ մատանաշելով Բելառուսը և Ռուսաստանը։ «Առ այս պահը միակ քաղաքական ուժը, որին աջակցել են այլ երկրների ներկայացուցիչներ, դա ՔՊ-ն է, որին իրենց աջակցությունը պարբերաբար հայտնում են Թուրքիայի և Ադրբեջանի իշխանությունները։ ԲՀԿ-ին որևէ արտաքին ուժ կամ օտարերկրյա պետություն աջակցություն չի հայտնել»,- նշել է Տոնոյանը։ *** Դատավճիռ է կայացնում․ Իվետա Տոնոյանը՝ Նվեր Ծառուկյանի վերաբերյալ Փաշինյանի հայտարարության մասին |
