Դեկտեմբերի 4-7-ը Թուրքիայի Ստամբուլ քաղաքում ընթանալու է կատետների՝ կրտսեր տարիքի մարզիկների սամբոյի Եվրոպայի առաջնությունը: Այսօր սամբոյի ՀՀ ֆեդերացիայի մամուլի ծառայությունոը սամբոյի միջազգային, եվրոպական, ազգային և համառուսական ֆեդերացիաներին հասցեագրված հետևյալ բովանդակությամբ հայտարարություն է տարածել, որով հայտնում է այդ ստուգատեսին մասնակցելուն Հայաստանի հրաժարվելու մասին. 
«Հարգարժան ֆեդերացիաների նախագահներ: Սամբոյի ՀՀ ֆեդերացիան իր գործկոմի նոյեմբերի 28-ին ընդունած որոշման համաձայն չի մասնակցվելու Ստամբուլում անցկացվելիք կադետների սամբոյի Եվրոպայի առաջնությանն, ի նշան բողոքի ու ի նշան համերաշության սամբոյի համառուսական ֆեդերացիային, թուրքական զինված ուժերի կողմից Ռուսաստանի Դաշնության ռազմական ինքնաթիռի կործանման կապակցությամբ։ 
Հարգանքներով սամբոյի ՀՀ ֆեդերացիայի նախագահ՝ Լևոն Հայրապետյան»: 
Հիշեցնենք, որ նոյեմբերի 25-ին ՌԴ-ի արտաքին գործերի նախարարությունը՝ ԱԳՆ-ն հանդես եկավ կոչով, որում Ռուսաստանի քաղաքացիներին խորհուրդ տվեց ձեռնապահ մնալ Թուրքիա այցելություներից, քանի որ այդ երկրի տարածքում դեռ ահաբեկչական սպառնալիքներ են պահպանվում:Նոյեմբերի 26-ին սամբոյի համառուսաստանյան ֆեդերացիայի գործկոմը հայտնեց ՌԴ-ի պատվիրակների Թուրքիա չմեկնելու և կադետների սամբոյի Եվրոպայի առաջնությանը չմասնակցելու վերաբերող ընդունած որոշման մասին:

Արամ Ուգուջյան