ԱԺ-կառավարություն հարցուպատասխանի ժամանակ ԲՀԿ խմբակցության պատգամավոր Տիգրան Ուրիխանյանը կառավարությանը`կուտակային կենսաթոշակների համակարգի վերաբերյալ հարց է ուղղել նիստի ավարտից 3 րոպե առաջ: Եվ քանի որ ժամանակը սպառված  է եղել՝ նիստը վարող Էդուարդ Շարմազանովը թույլ չի տվել կառավարության ներկայացուցչին՝ պատասխանել ԲՀԿ պատգամավորի հարցին՝ ամբիոնից, մասնավորապես, ասելով. «Ի դեպ, ինձանից աջ նստած խմբակցությունը` ԲՀԿ-ն, 2010 թվականին կողմ է քվեարկել կուտակային կենսաթոշակային համակարգի անցնելու օրենքի նախագծին»: