Մարդ ու պաշտոնյա, որի անգործությունը հովանավորվում է ՀՀ իշխանությունների և արտգործ նախարարի կողմից: Այսինքն, հովանավորվում է հանցավոր անգործությունը, Ռուսաստանում գտնվող հայաստանցիների հանդեպ խոր անտարբերությունը: Իսկ այդ մարդը ՕԼԵԳ ԵՍԱՅԱՆՆ է՝ Ռուսաստանի Դաշնությունում ՀՀ Արտակարգ և լիազոր դեսպանը:
Տեսնենք, թե ինչ ճանապարհ է անցել մի օր քնից արթնացած ու դիվանագետի կոչմանն արժանացած մարդը, որը որևէ դիվանագիտական կրթություն և ծառայություն չի ունեցել:
Օլեգ Եսայան (ծն. նոյեմբերի 12, 1946, Սոս գյուղ, Մարտունու շրջան, Լեռնային Ղարաբաղ), հայ քաղաքական և պետական գործիչ և դիվանագետ։ Լեռնային Ղարաբաղի Հանրապետության առաջին վարչապետը։
1970-ին ավարտել է Երևանի պետական համալսարանի տնտեսական ֆակուլտետը, 1985-ին՝ Մոսկվայի Ղեկարվարման ինստիտուտի ասպիրանտուրան, ստացել է տնտեսական գիտությունների թեկնածուի աստիճան։ 1998-ից՝ Ռուսաստանյան հումանիտար ակադեմիայի թղթակից անդամ, 2001-ից՝ ակադեմիկոս։ Տնտեսական խնդիրներին նվիրված մի շարք գիտական աշխատությունների հեղինակ է, այդ թվում՝ Լեռնային Ղարաբաղի տնտեսության վերաբերյալ։
1991 - 1992թթ. - ԼՂՀ Գերագույն Խորհրդի դեպուտատ, իսկ 1992թ. հունվարի 8-ից մինչև 1992թ. օգոստոսը՝ ԼՂՀ վարչապետ։ 1992 - 2004 թվականներին զբաղեցրել է զանազան գիտական և պետական պաշտոններ ԼՂՀ-ում և Հայաստանի Հանրապետությունում։ 2005-2006թթ.` ՀՀ Արժեթղթերի հանձնաժողովի նախագահ:
2006-2010թթ.` Բելառուսի Հանրապետությունում ՀՀ Արտակարգ և լիազոր Դեսպան, ԱՊՀ կանոնադրական և այլ մարմիններում ՀՀ մշտական ներկայացուցիչ։
2010թ. հունվարի 21-ին նշանակվել է Ռուսաստանի Դաշնությունում ՀՀ Արտակարգ և լիազոր Դեսպան:
Ինչու՞ են այս մարդուն գուրգուրում և փայփայում, երբ աշխարհում ամենամեծ հայկական համայնքն ունեցող երկրում նա բացարձակապես որևէ գործառույթ չի իրականացնում հայերի խնդիրների լուծման, նրանց իրավունքների պաշտպանության ուղղությամբ... Իհարկե, մի բան շատ լավ է կատարում՝ այս ողջ ընթացքում, թաքնված Արմյանսկի նրբանցքի շքեղ շենքում՝ հարստանում է...

Թատերագետ Լևոն Մութաֆյանի գրառումը

Ֆեյսբուք