ASEKOSE.am–ի և ՄԵԳԱՊՈԼԻՍ ամսագրի հարցերին պատասխանում է երգչուհի Աննա Խաչատրյանը:
-Մանկության տարիներին Աննան ունեցե՞լ է այնպիսի կերպար, որին այսօր կարոտում է:
-Ինչպես երևի շատերը, այնպես էլ ես մանկության տարիներից միայն լավ ու բարի հիշողություններ ունեմ, և ամենաշատը կարոտում եմ, երևի թե, հենց մանկությունս:
-Հենրի Ֆորդ . «Եթե ես դա ուզում եմ, նշանակում է` դա կլինի»: Ինչի՞ եք պատրաստ Ձեր ցանկությունները իրականացնելու համար:
-Այսպիսի ասացվածք կա. «Եթե մի բան շատ ես ուզում, անպայման լինում է»: Ես հավատում եմ այս խոսքին: Իհարկե կան սահմաններ, որոնք երբեք չեմ անցնի ինչ-որ բանի հասնելու համար, ուղղակի կսպասեմ մի քիչ. ժամանակն ամեն բան իր տեղն է դնում:
-Ձախողումն այն գինն է, որ մենք վճարում ենք հաջողության հասնելու համար: Ինչպե՞ս է պայքարում Աննան ձախողումների դեմ:
-Եթե բոլոր ձախողումներս հիշեմ ու նրանց մասին մտածե՜մ…
Նախընրտում եմ մոռանալ դրանց մասին և փորձում կրկին հաջողությունների հասնել:
-Կոնֆուցիոս. «Եթե թո մեջքին թքում են, ուրեմն դու առջևում ես»: Ինչքանո՞վ եք համամիտ չինացի փիլիսոփայի հետ, ու ինչպե՞ս եք վերաբերվում Ձեր հասցեին հնչեցված քննադատություններին:
-Բնական է` ես չեմ վիճարկի Կոնֆուցիոսի ասածը, իսկ քննադատություններին վերաբերվում եմ շատ լավ: Հաճախ մարդիկ առողջ քննադատությունների մեջ գտնում են իրենց հարցերի պատասխանները: Ես միշտ շատ ուշադիր եմ լսում իմ հասցեին հնչած քննադատությունները:
-Երկնքից ընկավ 3 խնձոր. մեկը զրուցավարին, մյուսը` զրուցակցին, իսկ երրո՞րդը…
-Ունկնդրին :)))
-Նակամուրան իր ստեղծագործություններից մեկում գրում է` «Դատարկությունը նույնիսկ տեսնել հնարավոր չէ»: Երբևէ «հայտնվե՞լ եք դրանում»:
-Բոլորիս էլ ժամանակ առ ժամանակ այդպես թվում է, բայց իրականում, նույնիսկ այդ դատարկության մեջ կարելի է գույներ գտնել:
-Արվեստի բնագավառի մարդը միշտ էլ ոգեշնչման կարիք ունի: Ո՞վ կամ ի՞նչն է Ձեր ոգեշնչման աղբյուրը:
-Շատ երկար կարելի է պատմել ոգեշնչման աղբյուրների մասին, բայց ամենակատարյալն ինձ համար բնությունն ու կյանքն են:
-Ի՞նչ ասեկոսեներ եք լսել Ձեր մասին, որոնք զայրացրել և զվարճացրել են Ձեզ:
-Շա՜տ անհավանական բաներ եմ լսել:
-Ի՞նչն է Աննային առանձնացնում մյուսներից:
-Այդ հարցին ընկերներս ավելի հստակ կպատասխանեն. չեմ ուզում ինքս պատասխանել:
