ԱԺ նախկին պատգամավոր Գևորգ Պետրոսյանը ֆեյսբուքյան եթերում անդրադառնալով երկրում ստեղծված իրավիճակին՝ հայտարարեց հետևյալը․ «ՀՀ-ում ընթանում են շատ բարդ պրոցեսներ, զոհասեղանին ՀՀ-ն է։ Պետք է միահամուռ պայքարենք, որպեսզի փրկենք երկիրը։ Ցավոք, կան մարդիկ, որոնք համառորեն լծվել են երկիրը կործանելու գործին»։ Պետրոսյանը նաև իրավաբանական բնույթի տեղեկատվություն հայտնեց՝ հրավիրելով իրավաբանների ուշադրությունը․ «Գոյություն ունի ապստամբության իրավունքի ինստիտուտ․ եթե ժողովուրդը ճիշտ չի կառավարվում, իրավունք ունի փոխել իր իսկ ձևավորած իշխանությունը, վերանայելու իր կատարած ընտրությունը»,- ասաց նա։