«Մանչեսթեր Յունայթեդի» գլխավոր մարզիչ Ժոզե Մոուրինյոն բացատրել է, թե ինչու է կիսապաշտպան Հենրիխ Մխիթարյանը ակումբի վերջին պաշտոնական 2 խաղերի ժամանակ հայտնվել պահեստայինների նստարանին:
«Լեսթերի» և «Բորնմութի» դեմ խաղերի ժամանակ ավելի ճիշտ էր խաղադաշտ դուրս բերել Լինգարդին և Մատային, քանի որ նրանք լավագույն տարբերակն էին թիմի համար:
«Լեթերի» դեմ խաղի ժամանակ մենք Լինգարդի արագության կարիքն ունեինք, իսկ ահա Պրեմիեր լիգայի առաջին տուրի «Բորնմութի» դեմ խաղի ժամանակ ես հասկացա, որ մեզ կարող է ճնշեն և Մատայի պես ֆուտբոլիստը կարող է շատ բաց տարածություններ փակել և օգտակար լինել թիմին: Ես որոշեցի կենտրոնում օգտագործել Ռունիին Իբրային ավելի մոտ և որոշեցի Միկիին թողնել պահեստայինների նստարանին:
Շատ մարզիչներ, երբ գնում են ֆուտբոլիստների, երբ դա նրանց որոշումն է գնել ինչ-որ ֆուտբոլիստի, առաջինը նրանք պետք է ապահովեն իրենց և իրենց ընտրությունը: Խաղացողները, որոնց նրանք գնում են պետք է միշտ խաղան: Սակայն ես այդ մարզիչներից չեմ: Այս երկու դեպքերում Լինգարդի և Մատայի խաղադաշտում հայտնվելը լավագույն տարբերակն էր թիմի համար:
Մխիթարյանը ֆանտաստիկ ֆուտբոլիստ է և ընթացիկ մրցաշրջանում նա շատ անգամ հնարավորություն կստանա խաղադաշտ դուրս գալու»,- ասել է Մոուրինյոն:
Հիշեցնենք, որ «Մանչեսթեր Յունայթեդ» - «Սաութհեմփթոն» խաղը կկայանա օգոստոսի 19-ին եւ կսկսվի Երեւանի ժամանակով 23։00-ին։ Հայաստանի հավաքականի կիսապաշտպանը նախորդ հանգստյան օրերին էր նորամուտը նշել Պրեմյեր լիգայում՝ փոխարինման դուրս գալով «Բորնմութի» դեմ հաղթական խաղի (3:1) 75-րդ րոպեին:
