Վերջերս հաճախ եմ հանդիպում կաթողիկոսին ուղղված վատաբանությունների ու հայհոյանքների, լռեցի-լռեցի, բայց որոշեցի մեկ բան, այնուամենայնիվ, բարձրաձայնել: Միայն այն, որ այսօրվա հեռուստատեսային համատարած այլանդակության ու կեղտի մեջ մենք հնարավորություն ունենք դիտելու մի լավ հեռուստաալիք` «Շողակաթ»-ը, որը հոգևոր-մշակութային բարձր արժեքներ է տարածում, արդեն ահռելի մեծ գործ է, հիշեցնեմ, որ Շողակաթը Գարեգին Բ-ն է հիմնադրել է, երբ Արարատյան թեմի առաջնորդն էր: Նմանատիպ շատ օրինակներ կարող եմ բերել, բայց չեմ բերի, որովհետև գիտեմ` անիմաստ է. հայհոյելու ցանկությունը նման դեպքում այնքան մեծ է, որ ինչ էլ ասեմ, չի օգնի: Տվյալ դեպքում հայհոյողների բուռն ոգևորությունն էլ հասկանալի է, չէ որ գիտեն, որ էս դեպքում հաստատ պատասխան չեն ստանալու...