Տիգրան Սարգսյանն ընտանիքով արտագաղթել է Հայաստանից, ըստ մամուլի հրապարակուների` արտագաղթել է նաև նրա փեսան: Հնարավոր է, որ սա ընդամենը հորինված լուր է և Սարգսյանը մեկնել է Հայաստանից ընդամենը հանգստի համար, բայց Հայաստանում բարձր պաշտոն զբաղեցնելը, հետո էլ երկրից հեռանալը կարծես թե դարձել է սովորական երևույթ, այսինքն` ինչ ուզում ես արա երկրի հետ, ոչ մի բանի համար պատասխան չես տալու, ընդամենը թող ու գնա երկրից ու վայելիր միլիոններդ: Հիմա մի փոքր պատմական ակնարկ. Բոլորդ հիշում ես ԱԱԾ ի նախկին պետին` Կառլոս Պետրոսյանին, ով աշխատանքից ազատվելուց հետո գնաց Մոսկվա, Եվրոպայում է նաև ՀՀ մաքսային ծառայության նախկին պետը, ըստ մամուլում շրջանավող լուրերի, վերջերս աշխատանքից ազատված ԱԱԾ ի փոխտօրենը, առաջին նախագահ Լևոն Տեր-Պետրոսյանի թիմի որոշ անդամներ և այլն և այլն: Դեռևս արտագաղթած նախկին նախագահ չունենք, բայց այս տեմպերով որ գնա հաստատ կունենանք: Բացի այն, որ ՀՀ նախկին բարձրաստիճան պաշտոնյաները շատ հանգիստ կարող են թիրախ դառնալ արտասահմանյան հատուկ ծառայությունների համար և իրենց տիրապետած պետական գաղտնիք պարունակող տեղեկատվությունը հայտնել ի վնաս Հայաստանի, բայց կա նաև մեկ այլ ոչ պակաս վտանգավոր իրավիճակ, ստեղծվում է ՊԱՏԱՍԽԱՆԱՏՎՈՒԹՅՈՒՆ ՉԿՐԵԼՈՒ նախադեպ` կեր խմի քեֆ արա, հետո գնա երկրից ու ոչ մի բանի համար պատասխան մի տուր...
