«Երբ «Փակ շուկան» ահավոր աղետալի վիճակում էր, առնետներ էին, ո՞ւր էին այդ մարդիկ: Հիմա այն գեղեցիկ վերականգնված է: Ես սուպերմարկետին դեմ եմ և առաջարկելու եմ, որ որոշ հատվածը խեցեգործության համար լինի և այլն»,-այսօր լրագրողների հետ հանդիպման ժամանակ «Փակ շուկայի» և դրա շուրջ ծավալվող քաղաքացիական ընդվզման մասին` ասաց Հայաստանի նոր քաղաքական մշակույթ կուսակցության նախագահ Անի Զախարյանը` նշելով, որ որ ժամանակները փոխվել են և նոր լուծումներ են անհրաժեշտ:
Հայաստանի նոր քաղաքական մշակույթ կուսակցության նախագահի խոսքով ընդվզումը հովանավորվում է դրսից, ասենք, օրինակ Կարո Եղնուկյանը, ով 1971թ. Բուլղարիայից մեկնել է Բաքու և երկար ժամանակ գործունեություն ծավալել, իսկ իսկական հայը, նրա խոսքով, պետք է մնար Հայաստանում:
«Եթե ոչ, ապա ո՞ւր էր Նախախորհրդարանը 2-3 տարի առաջ, երբ ասենք Օձունում, Սանահինում վերականգնման աշխատանքներ էին տարվում: Որևէ մեկը տեղյա՞կ էր այդ պատմամշակությանին արժեքների վիճակից»,-հարց բարձրացրեց բանախոսը:
Անի Կարապետյան
