Ոստիկանությունում նշանակվել է ծառայողական քննություն՝ Ոստիկանության Երևան քաղաքի ծառայության բաժնի պետ Կարեն Մովսիսյանի նկատմամբ նրա կողմից կատարված ֆեյսբուքյան գրառման կապակցությամբ:
Panorama.am-ն է գրում այս մասին ու նշում, որ ոստիկանության հասարակայնության հետ կապերի և լրատվության վարչության պետ Աշոտ Ահարոնյանն ասել է. «Արդյունքների մասին լրացուցիչ կհայտնենք»:
ԱԺ միջանցքում ՀՀԿ-ական պատգամավոր Վարդան Այվազյանի ու լրագրող Գոհար Վեզիրյանի մասնակցությամբ տեղի ունեցած միջադեպից հետո Կ. Մովսիսյանը սոցիալական ցանցում գրել էր, թե «լրագրությունը պոռնկություն է». այս պահին գրառումը ջնջված է:
