Խորվաթիայի ֆուտբոլիստները հրաժարվել են խոսել Բրազիլիայում անցկացվող Ֆուտբոլի աշխարհի առաջնության խաղերը լուսաբանող լրագրողների հետ: Բանն այն է, որ լրագրողները գաղտնի հրապարակել են լողավազանում արված թիմի անդամներից մի քանիսի մերկ լուսանկարները:
«Ես չեմ կարող ստիպել նրանց ձեզ հետ շփվել այն բանից հետո, ինչ դուք արել եք նրանց և նրանց ընտանիքների հանդեպ»,- լրագրողներին ասել է թիմի գլխավոր մարզիչ Նիկո Կովաչը և ավելացրել.
«Իսկ դուք ինքներդ ինչպե՞ս ձեզ կզգայիք, եթե մեկը ձեզ մերկ լուսանկարեր: Նրանք անդրդվելի են, և ձեզ հետ չեն խոսի, և ես չգիտեմ, թե լռությունը կավարտվի վաղը կամ կտևի մինչև աշխարհի առաջնության ավարտը: Ես հարգում եմ իմ խաղացողների կարծիքը»,- իր խոսքը եզրափակել է Կովաչը։
