Հայաստանի և Ադրբեջանի սահմանադրությունների միջև զուգահեռներ անցկացնելու փորձերն անընդունելի են։ Այս մասին, ադրբեջանական լրատվամիջոցների հաղորդմամբ, հայտարարել է Ադրբեջանի արտգործնախարար Ջեյհուն Բայրամովը։

«Հայաստանի սահմանադրությունը տարածքային պահանջներ է պարունակում հարևան պետությունների նկատմամբ»,- ասել է Բայրամովը։

Ավելի վաղ նա հայտարարել էր, որ Ադրբեջանը Հայաստանից խաղաղության պայմանագրի նոր առաջարկ է ստացել.

«Ադրբեջանը Հայաստանից ստացել է խաղաղության պայմանագրի նախագծի նոր խմբագրությունը։ Մի քանի օր առաջ Հայաստանից նոր նախագիծ ստացանք։ Ուզում եմ նշել, որ համաձայնագրի նախագծի՝ բաց մնացած հարցերը կրճատվել են»,- ասել է Բայրամովը՝ հունգարացի գործընկերոջ հետ համատեղ ասուլիսի ժամանակ։