Հայաստանի հավաքականի եւ Դորտմունդի «Բորուսիայի» կիսապաշտպան Հենրիխ Մխիթարյանը Բունդեսլիգայի 4-րդ տուրի «Մայնցի» հետ խաղում վնասվածք է ստացել, տեղեկացնում է գերմանական ակումբի պաշտոնական կայքը:
Ֆուտբոլիստը վնասվածք է ստացել 90-րդ րոպեին, երբ նրա հարվածից հետո գնդակը դիպել է դարպասաձողին եւ «Մայնցի» պաշտպանը հարվածել է նրա ոտքին:
Մխիթարյանը ցավ է զգացել Դորտմունդ հետ գալու ճանապարհին եւ դիմել թիմի բժշկին:
«Բորուսիայի» բժիշկ Մարկուս Բրաունը նշել է, որ 25-ամյա կիսապաշտպանից ապաքինվելու համար կպահանջվի մոտ 4 շաբաթ:
Մխիթարյանը, ամենայն հավանականությամբ բաց կթողնի Եվրո-2016-ի ընտրական փուլի Սերբիայի հավաքականի հետ հանդիպումը, որը կկայանա հոկտեմբերի 11-ին Երեւանում:
Հենրիխ Մխիթարյանը «Մայնցի»-ի հետ խաղից հետո Դորտմունդ ճանապարհին բժշկի օգնության կարիք է զգացել, քանի որ սաստկացել է ցավը, որը նա զգացել էր հանդիպման ընթացքում, երբ իր հարվածից հետո գնդակը դիպել է դարպասաձողին, իսկ հակառակորդ թիմի պաշտպանը հարվածել է նրա ոտքին:
Ըստ «Բորուսիայի» պաշտոնական կայքի, բժիշկը նշել է, որ Մխիթարյանի ապաքինվելու համար կպահանջվի մոտ 4 շաբաթ:
Այսպիսով կասկածի տակ է Հայաստանի հավաքականի եւ Դորտմունդի «Բորուսիայի» կիսապաշտպան Հենրիկ Մխիթարյանի մասնակցությունը հոկտեբերի 11-ին Երևանում կայանալիք` Եվրո-2016-ի ընտրական փուլի Հայաստան-Սերբիա հանդիպմանը:
Հիշեցնենք, որ վնասվածք ունի և ապաքինման փուլում է նաև Հայաստանի ազգային հավաքականի և Մոսկվայի Սպարտակի կիսապաշտպան Արազ Օզբիլիսը:
