Հայաստանի ազգային հավաքականի ու «Մանչեսթեր Յունայթեդի» կիսապաշտպան Հենրիխ Մխիթարյանը, որը, նախնական տվյալներով, ազդրի վնասվածք է ստացել «Սենտ Էթյենի» դեմ հանդիպման առաջին խաղակեսում, կարող է բաց թողնել Անգլիայի Ֆուտբոլային լիգայի գավաթի եզրափակիչ «Մանչեսթեր Յունայթեդ» – «Սաուտհեմփթոն» հանդիպումը: Այս մասին հաղորդում է Metro-ն:
Նշենք, որ խաղը կայանալու է փետրվարի 26-ին Լոնդոնի «Ուեմբլի» մարզադաշտում և մեկնարկելու է Երևանի ժամանակով 20:30-ին:
