Արդեն հայտնել ենք, որ Անգլիայի Պրեմիեր լիգայի 15-րդ տուրում «Մանչեսթեր Յունայթեդը» սեփական հարկի տակ Մխիթարյանի խփած միակ գոլի շնորհիվ հաղթել է «Տոտենհեմին»:
Հանդիպման 85-րդ րոպեին Հենրիխ Մխիթարյանը աջ եզրից գեղեցիկ անցում էր կատարում և Դենի Ռոուզը կոպիտ հնարք կիրառեց նրա նատմամբ: Հայ ֆուտբոլիստն ընկնելիս ցավալի վնասվածք ստացավ, ինչից հետո նրան դաշտից դուրս բերեցին պատգարակով:
«Ինչպես գրում է ակումբի պաշտոնական կայքը, հանդիպումից հետո «Մանչեսթեր Յունայթեդ»-ի գլխավոր մարզիչ Ժոզե Մորինյոն ասել է. «Հավանաբար Մխիթարյանը բաց կթողնի հաջորդ խաղը, սակայն երևում է` վտանգավոր ոչինչ չկա, վիրահատական միջամտությանը կարիք` նույնպես: Հավանաբար Միկին դաշտ կվերադառնա երկու շաբաթից:Նա արժանի է խաղի լավագույն ֆուտբոլիստը ճանաչվելուն»:
Հանդիպումից հետո խոսելով Մխիթարյանի մասին, մասնավորապես թիմի կիսապաշտպան Մայքլ Քերիկ ասել է. «Մխիթարյանը շատ տաղանդավոր ֆուտբոլիստ է: Նա խելացի է, հիանալի է կողմնորոշվում խաղադաշտում: Ես միայն հուսով եմ, որ նրա վնասվածքը շատ լուրջ չէ»:
