Փաշինյանը չի ստորագրելու որեւէ պայմանագիր ու շատ հնարավոր է՝ պայմանավարված պատերազմով հանձնի «միջանցքը», կարծիք է հայտնել ՀՀԿ ԳՄ անդամ Էդուարդ Շարմազանովը։
«Նոր փուլ է մեկնարկել՝ Նիկոլ-Ալիեւ հեռակա պայմանավորված փոխհրաձգություն, որին, հավանական է, հաջորդի նոր պայմանավորված պատերազմը։
Հայաստանի կապիտուլյանտ ռեժիմը հայ-ադրբեջանական պայմանագրի երկու տարբերակ է քննարկում՝ Արեւմուտքի եւ ՌԴ-ի միջնորդությամբ։
Ակնհայտ է՝ Նիկոլը երկուսին էլ խոստացել է իրենց ծրագիրը ստորագրել։
Բայց հասկանում է, որ ստորագրելով Ռուսաստանի պլանը՝ «կպատժվի» Արեւմուտքի կողմից, իսկ ստորագրելով Արեւմուտքի պլանը՝ կարող է պատժվել ՌԴ-ի կողմից։
Կողմերից չպատժվելու համար Նիկոլը «գցելու» է երկուսին էլ ։
Ինչպե՞ս է «գցելու» Արեւմուտքին ու ՌԴ-ին Նիկոլը։
Ասեմ. որեւէ մեկի ծրագիրը չի ստորագրելու, ու հնարավոր է՝ պայմանավորված պատերազմ լինի «միջանցքի» համար։
Պատերազմով կտան «միջանցքը» հետո կասի՝ դե, չհասցրեցի ստորագրեմ ։
Դրանից հետո կլինի նոր ընտրություն ու չեմ բացառում, որ հիմա էլ «Նիկոլը Երեւանը փրկեց» կարգախոսով կարդարացնեն հերթական հակապետական դավադրությունը»,- սոցցանցի իր էջում գրել է Էդուարդ Շարմազանովը:
