Կոնֆերենցիաների լիգայի խաղարկության ընթացիկ մրցաշրջանում կայացավ լիգայի փուլի վերջին՝ 6-րդ տուրը։

Բոլոր 18 հանդիպումներն անցկացվեցին զուգահեռաբար։ «Նոան» արտագնա հանդիպմանը մրցեց սերբական «Բաչկա Տոպոլայի» հետ։

«Նոան» արդեն 5-րդ րոպեին բացեց հանդիպման հաշիվը։ Աչքի ընկավ Այասը։ Արդեն 15-րդ րոպեին մեր թիմը կրկնապատկեց իր առավելությունը․ երկրորդ գոլը խփեց Ֆերեյրան։ 43-րդ րոպեին տանտերերը կրճատեցին հաշվի տարբերությունը Ստանիչի գոլի շնորհիվ։ Առաջին խաղակեսից հետո լուսատախտակին հաշիվը 2-1 էր՝ հօգուտ երևանյան թիմի։

Հանդիպման 35-րդ րոպեին վնասվածք ստացած Արտակ Դաշյանին փոխարինեց Արտյոմ Ավանեսյանը։

Երկրորդ խաղակեսի մեկնարկում նորից ստացանք երկու գնդակի առավելություն։ Դուբլ ձևակերպեց Մատեուս Այասը։ 73-րդ րոպեին Ջակովացի գոլի շնորհիվ սերբական ակումբը նորից կրճատեց հաշվի տարբերությունը, իսկ քիչ անց նույն ֆուտբոլիստը հավասարեցրեց հաշիվը։ 80-րդ րոպեին արդեն տանտերերն առաջ անցան հաշվի մեջ։ Հանդիպման մնացած ժամակահատվածում այլևս գոլեր չգրանցվեցին, հանդիպումն ավարտվեց 4-3 հաշվով՝ հօգուտ տանտերերի։

Աղբյուրն՝ այստեղ